Hola!

Vanmorge hebbe we veur de letste kier kinne geneete van ut heerlijke ontbijt in de ecolodge in Jardín, want we vertrekke vandaag naor Medellín! Nog efkes geneete van de rös, stilte en natuur veurdet we weer in de groete stad terech komme.

De rit met de bus verleep deze kier veurspoedig, en nao ongevier 3,5 aor kwame we aan op busstation Terminal del Sur in Medellín. Heej hebbe we ein taxi gepak richting os hostel. Ut hostel is leuk en hip, midde in de onder toeriste populaire buurt El Poblado. Op ut daakterras van ut hostel hebbe we ein welkomstdrankje gedronke.

In ut hostel waere verschillende activiteite georganiseerd. Zoe ouk ein gratis salsa-les, en jaowal, dae waas vandaag! Ut haet efkes gedeurd, maar ik heb Jeroen zoe wiëd gekrege mei te doon. Same met nog 3 andere krege we verschillende pasjes aangelierd. Ik vond ut ech super leuk!

Onderwaeg naor ut restaurant waor we hebbe gegaete kwame we un stel taege waat we in Salento al hebbe ontmoet. Super toevallig! Ut restaurant, Alambique, waas ech super! Kei leuk aangekleid, sfeervol en heerlijk aete. Qua aete ouk wal wat mier culinair as wat we tot noow toe hebbe gehad. Al met al weer ein leuke daag!

Geschreven door Mayke.geniet