Hoi hoi!

Vanmorge huuul vruug opgestaon, want we woorte um kwart veur 5 opgehaold door jeeps veur ein tour. As 1e woorte waor naor witte zandduinen gebrach um de zonsopkomst te bekieke. We dachte det we ouk ech met de jeep de duinen in ginge, maar heej meus se extra veur betale. Ein deil van de groep haet det gedaon. Ik bin met ut andere deil onder gebleve, en weej zien zelf ein stukske de duinen opgelaupe um de zonsopkomst te zeen.

Daornao brach de jeep os naor ein plek waor roeje zandduinen ware. Wal moei, maar as se Namibië hes gezeen velt ut toch wal un bietje taege. Ut waas ouk extreem toeristisch, dus erg druk!

Weer de jeep in. We ginge naor de vismert. Toevallig kwaam dr net ein verse lading de zië oet, en koste we zeen wie ut allemaol gesorteerd woort. Gewoen op ut strand, ut woort op ein dook gegoeid en 2 Vietnamese minse sorteerde de garnale van de krabbe enz. Leuk um ens te zeen wie ze det heej doon!

As letste stapte we oet beej de fairy stream, ein soort klein beekje. Umgaeve door rotse en greun, erg moei! Maar ouk heej weer erg vuul toeriste.

We woorte truuk gebrach naor ut hostel. De res van de daag waas dr gen planning, dus we hadde tied um rustig ein bietje beej te slaope, te chille, beachvolleyballe en zwumme.

Saoves hebbe we beej ut hostel gegaete, waat erg lang deurde, want dr waas wat mis gegaon met de bestelling. Vervolges zien we vanoet ut hostel mei gegaon met de pub crawl, kroegentocht!
We hebbe weer ein leuke aovend gehad :).

Haije en tot morge!
Vuul leefs,
Mayke

Geschreven door Mayke.geniet