Hallo!

Vandaag gaon we helaas alweer truuk naor hoes. Det ging allein neet zonder slaag of stoët.
Vanmorge keek ik op mien telefoon, en zoog ik det we ein mailtje hadde van Transavia: de vluch is gecancelled. Jeroen dach nog det ik ein grapje maakte, maar helaas, ut waas toch ech zoë. We koste de vluch umboeke, of os geld truuk kriege looze we, maar online krege we dit zoe snel allemaol neet veur elkaar.

Lichte paniek, want wat noow?!

Ik heb metein probere Transavia te belle, maar op ut nummer waat ik op eur website onder de contactinformatie vond, kreeg ik via ein bandje te huure det ik de klantenservice meus belle... det is toch wal biezonder...

Daornao via whatsapp ein berichtje gesteurd, maar veurdet we daor ens antwoord op krege...
We zien dus zelf maar online veur andere vluchte gaon kieke. Al snel vond ik ein goodkaupe vluch veur vanaovend naor Düsseldorf. Nao mam gebeld te hebbe met de vraog of zeej os dan koste ophaole, hebbe we deze maar snel geboek.

Nao dit alles hebbe we snel ozze koffers gepak, want we meuste natuurlijk ouk oet ut appartement. We hebbe de koffers in de auto gelag, en zien weer lekker naor de fijne bedjes op ut strand gegaon. Aan ut ind van de middaag hebbe we beej ut vleegveld de auto ingeleverd. Dit ging allemaol zonder probleme, en ouk op ut vleegveld ging alles vlekkeloos.
We krege zelfs alle 3 os koffers truuk in Düsseldorf!! :)
Super fijn det pap en mam os hebbe opgehaold. Morge zulle ze os ouk nog naor Berkel-Enschot bringe. Super bedank pap en mam!!!

Al met al hebbe weej ein super leuke vakantie gehad!

Haije en tot de volgende reis!

Geschreven door Mayke.geniet