Hallo!!

Vanmorge met de nachttrein aangekomme in Nha Trang. Ik heb redelijk geslaope, maar veul mich neet top fit vandaag. De meiste van de groep hebbe slech geslaope, idderein is muug.
Op ut station woorte we opgewach door ozze nieje gids, dae os meinoom um onderwaeg urges te gaon ontbijte. Ein prachtige plek!

Vervolges zien we met de bus vaerder gereeje naor Dalat. Ein prachtige route door de berg. Doordet Dalat hoeger gelaege leet, is ut dr ein stuk keuler as de res van Vietnam. Heerlijk ens ein daag neet zoe zweite!

Os hostel heej is ontzettend leuk. Precies wie ein hostel huurd te zien. Met ein moei daakterras, leuke kamers en vrintelijk personeel. En ein soort hangmat waorse heerlijk in kins chille!

Vanoet ut hostel zien we Dalat in gelaupe. We kwame beej ein leuke mert en langs ut groete meer. Vervolges zien we ut Crazy House gaon bezeuke. Ein biezonder gebouw. Ut liek un bietje op de Efteling. Euveral zien trappetjes en gangetjes. Leuk um ens door heer te laupe!

Vervolges zien we nog naor ut koninklijk paleis gegaon. Dit waas ut boetehoes van de letste koning. Ik vond ut neet moei. Ut is totaal neet watse van un paleis verwachs. Idderein waas ouk hielemaol kapot, dus nemes had dr ech nog zin in. We zien met de taxi truuk gegaon naor ut hostel waor we rustig de tied hadde um te douche en efkes beej te komme.

Saoves zien we gaon aete beej ein super leuk restaurant. Ik zoot aan taofel beej 3 van de jonges en ut waas erg gezellig. We hebbe flink gelache um ozze 'speeddate' hahahah.

Haije en tot morge!
Vuul leefs,
Mayke

Geschreven door Mayke.geniet