Gooiedaag,

Vanmurge leep al vreug de wekker aaf. Op de kamer genote van os zelf samengestelde ontbijt en os denoa lekker verzurg.

Bietje de tied vergete dus ut woort racen noa de activiteit. Oew ver komme 2 min veur vertrek aan en motte de wage nog kwiet... Gaas geve kin neet ech want is trajectcontrole.

Dan mer eve belle mit de capitein. Der houwe meer luuj las van oponthoud dus hea zag gaas geve en dan wachte ver waal ff.

Zo gezag zo gedoan. Gelukkig houwe ze gewach en koam ver de wage mekkelijk kwied.

Ver houwe via socialdeal un zeehondensafarie geboekt mit verwarmd zit gedeilte en un kruk en un plek op de bank.

Alles klopte behalve de bank, ver hubbe beide 3 oer op un kruk gezete. Veurdeil woar dat ver beter ut water zoogee en voolte, noadeil un houte vot en get meer wind.

De reis begosj lekker zonnig zo wie op de foto's te zeen mer eenmaal op ope water woar ut un wintervakantie 🤣 dikke jas en vest aan, oorwermers en flinke wind. De krukke vlooge os um de oore.

De reis doerde lang mer noa 1.5 oer koam ver biej de zandbank oet wo ongeveer 30-40 zeehung looge te chille. Sjoon um te zeen. Ff mit de bood aangelege en denoa weer 1.5 oer teruk. Ut woar un hele beleving en ech genieten.

Noa de bootreis houw ver waal zin in un teske koffie en sanitaire stop. Biej de have loog un restaurantje dus gouw noa binne veur ver van de kade weijde. Helaas allein get gedronke want de kaart stong allein mer vol mit vis gerechten en loat oma dat noe net neet luste.

En noe wat verder....

Koers gezat op goes en dan zeen ver ut waal. Ongerweag op de borde gekeke en oma koam mit ut idee um noa zierikzee te goan. Heel good idee! Zierikzee eerst per auto bewonderd veur zover ver binne mochte en denoa un parkeerplek gevonge. Ut centrum is autovriej dus hubbe stukske motte loupe.

In ut centrum get pitoreske winkelkes bekeke en boetiekjes die ze biej os neet hubbe. Hele mooie stad en vanalles leuks te zeen.

Ver begoosjte honger te kriege want op die boot houw ver op veurhand tostis besteld en ver zeen koum de have oet gevare en ze stoan er al mit tostis terwiel ut ontbijt net achter de kiezen is.

Ut woar 4 oer... Oavend ete of toch get kleins??? Oeteindelijk gekoze veur get kleins en op un terras oet de wind goan zitte. In de bedeening leepe get jong snuiters en die mooste ut vak ech nog leren. Doerde allemoal heel lang en de bestelling koam in deile, dus houwe onnog neet tegeliek os vlaai en drinke. Veurdeil hiejvan woar waal dat ze de vlaai 2x brachte ver houws un stuk extra. Dat gratis stuk smaakte extra good.

Noa de maag gevuld te hubbe hub ver os weer biejein gepak en rundje stad verder aaf gemaak. De winkelkes begoosjte langzaam te sjloete dus zeen ver weer richting de auto geloupe.

Dilemma, en noe wo goan ver heen en wat wil ver ete.....

Oma wol gere chinees dus de zoektoch noa de chinees woar gestart. Die chinezen ligge hiej neet veur ut oprape zo wiej biej os. Noa googlen dan mer koers teruk noa goes gezat en besjlote doa verder te zeuke.

In goes aangekomme weer de navi aangezat en un chinees gevonge, waal weer stukske rieje want lik neet aan dees kant van ut durp.

Urges midde in un woonwijk biej un winkelcentrumpje loog de chinees. Ver hubbe heerlijk gegete. Noa ut ete teruk noa hotel bein hoog en NEDERLAND-TURKIJE kieke. Ofja oma kik voetbal en ich loester bietje mit en doon anger dinger tusjedoor.

Sjloap lekker en tot murge, letste daag alweer.

Hojje

Geschreven door 2ontourinAmerika