Hoiihoii,

Vandaag is ozze reis noa Goes gestart. Vanmurge vreug leep de wekker aaf en gouw de koffers ingepakt en Yun in de auto gelaaje. Yun geit logere biej pap en mam. Collega's bedank veur de vrieje daag.

Oma opgehoald, ff get klein boodsjappe gedoan en noa rick gebrach dea ziek thoes is.

Toen koosj os reis eindelijk beginne. De tomtom wou persee via belsj rieje en de reis begoosj mit rondjes rieje 😂 oeteindelijk hulplijn papa mer gebeld um te vroage wat ver op de borde mooste aanhouwe. Sjus wiej vreuger zonger tomtom.

In Tilburg woar ver 10 files, flinke rege, heel vul bumperklevers en vrachtwages verder en begoosj ozze boek zich toch ech te melden.

Urges un aafsjlaag genomme want ongerweag koam ver mer niks tege, onnog verkeerd gereeje mer dat pakte oeteindelijk good oet.

Leuk restaurantje get mit paries in de naam loog langs de weag en dat zeen ver dan mer us goan checken. Zoog er leuk en gezellig oet van binne.

Toafel achter os zoote allein 2 dikke eikels mer verder prima gegete en gezete. ( Die deege zich unne dikke en vonge dat salaris belangrieker woar dan un leuke baan)

Hubbe allebei un boterham kroket gegete en toen koos ver de reis weer verder voort zette.

Nog meer file.....

Paar oer later eindelijk in zeeland aangekomme.

Leuk weetje, de opa van oma kump oet Goes en oma koam doa es kind vul omdat hur tante Kaatje hiej woonde.Is zelfs noa Goes gefiets vreuger. Alle plaatsname koame bekend veur van vreuger.

We zeen ongerweag ff bietje umgereeje en noa un klein vissersdurpke yrseke gegange. Hiej hub ver de have bewonderd en get door de leuke stroate getoerd.

Denoa mer gouw koers op Goes gezat omdat ver neet wiste tot wiejlaat ver kooste inchecken.

Oeps....... Hotel veurbiej gereeje 😂

Zo wie de Plumkes dat ummer doon, recht veur de deur geparkeerd. Eersj inchecken en kamer bekieke en dan de spulle oet de auto pakke.

Wow... De kamer vilt zeker neet tege, wat un luxe. Groot bed, kitchenette, zitje, bankstoel, oetzich op ut water. Heerlijk. Beide nog nooit zo un luxe kamer gehad.

Ver hubbe de boet ingerich en lekker koffie gemaak. Denoa zeen ver ontbijt goan hoale biej de appie om de hook en hub ver de auto noa ut centrum genomme um lekker te goan ete.

Leuk centrum head Goes mit vul apaarte winkelkes. Op un meretplein hub ver os un zaak oetgezoch um get te ete. Oma schnitsel in eerste instantie kreeg oma die zonger saus mer noa vroage koam de champignon pepersaus en ich haaj un biefke.

Ut ete woar zo vul dat ver ut neet op hubbe gekrege.

Oma zou oma neet zeen es ze de deere neet zou voore aan de eattoafel 😝 ver houwe gezelschap van ducky de eend dea zo wie oma zei net zo meujlijk leep es oma.

Ver houwe boete op terras gegete want koud woar ut neet mer ut weijde waal get. Mer biej ut ies dat opzich lekker woar tot ut likeur bulke 🤢 begoosj ut get koud te weure. Ver hubbe dan ough sjnel aafgerekend en zeen nog via get ziejstrutjes noa de auto geloupe. Paar minute later lekker mit de bein hoog veur de tv.

Ich kreeg de tv neet aan de telefoon gekoppeld dus ver mooste mer kieke wat er op woar. 50 shades darker 😂😂 deze dan mer mit oma same gekeke. Dalijk lekker sjloape want murge 11 oer wur ver weer urges verwacht ☺️ zin in 😁😁 murge kint ger leze wat ver goan doon.

Sjloap lekker en tot murge!

Geschreven door 2ontourinAmerika